Latest News

रमन के गोठ म गुरतुर छत्तीसगढ़ी ...जम्मो भाई-बहिनी, सियान अऊ संगी जहुंरिया मन ला मोर जोहार !
 Posted on 13/12/2015
 

रायपुर, 13 दिसम्बर 2015

छत्तीसगढ़ के मोर जम्मो भाई-बहिनी, सियान अऊ संगी जहुंरिया मन ला, मोर जोहार। “रमन के गोठ” कार्यक्रम म, आज मैं, हां चौथईया बार आप संग चर्चा करे बर, आए हंव। एखर पहिली, पिछले महीना आपसे चर्चा होए रहिसे, तेमा अब्बड़ अकन सुख-दुख ला, हमन गोठियाए रेहेन। मोर जम्मो कार्यकाल के 12 साल पूरा होइसे, ये आप सबके कृपा अऊ आशीर्वाद से 12 साल के कार्यकाल में जतका आप सबके बेहतरी के लिए योजना बना सकत रहेंव,ओ योजना के क्रियान्वयन होथे, अउ आने वाले तीन साल में अउ मोर कोशिश होही कि बेहतर तरीके ले आप सबके सेवा करवं। आज मैं हं, बहुत बड़ संख्या में, मोर गोठ सुनईया मन के, जऊन चिट्ठी आए हे, तेखर चर्चा ल पहिली करिहौं। समय के कमी के कारण, एक-एक चिट्ठी के चर्चा करना संभव नई हे। अतका जरूर कहूं, कि सब्बो चिट्ठी मं, नियम प्रावधान के अनुसार, जऊन भी कार्यवाही संभव हे, ओहा जरूर होही, तेखरे सेती, कोनो भी चिट्ठी लिखईया मन ला, ओखर नाव के उल्लेख मै हं नई करे हववं, अईसे सोच के मन ला छोटे करे के जरूरत नई हे।
 

क्रमांक-4432/स्वराज्य